طول عمرى
×××××××
طول عمرى مابعرفش أصاحب…….. اللى  الجدع ابن الأصول
وابعد عن قليل الأصل واللى …………دايما بيطبل ع الطبول
وبحاسب من المنافق واللى……. فى قلبه حقد وحسد وغلول
وكل مشكلة شايفها عويصة ليها عند المولى آلالالاف  الحلول
بس أنت توكل على اللى خلقك….. فى كل أمورك تنال القبول
وأخلص في عبادتك………….. وبلاش تأذى غيرك وأصبر تنول
بلاش تمشى علي سطر وتسيب سطر وتتطوح زى المسطول
وخليك حمال آسية في ………حياتك ودايما راجل مسؤول
وبلاش تنطح فى أفعالك ..وكلامك مع الناس كنطح العجول
وأحمى نفسك من عيون ….بتراقب حياتك ومن كيد العزول
تسعد بحياتك وأخرتك… وتصحى من نومك ماتبقاش مبلول
@@@@@@@@@@@@@@
طول عمرى مابعرفش أتعامل مع اللي بفعله و بكلامه آذاني
وعمرى ما فكرتش أربط حبله………….. اللى أنقطع من ثاني
لان الحبل لما يتربط عقدته………… بتكعبل مشي و جرياني
لكن ممكن أتعامل معاه تعامل…………… كدة من برة حلواني
والبعد عنه غنيمة ومكسب …….وفيها عبر لحياتي وزماني
وخلعه من الدماغ …………مطلب لحوح ومهوس صحاني
فوقنى ووراني طريق الحق…………. مرسوم ومنور قدامي
وشفت دنيا لونها صافي……………… بتسبق حنيي و أيامي
وحمدت ربى أنى بعدت…… عن اللى طعن سهم بأحساسي
وعراني عند اللى………………. يسوى وعند اللى مايسواشى
حسيبه للزمن يعلمه…….. والمتبلم مهما تعلمه يصبح ناسى
@@@@@@@@@@@@@@
طول عمرى مابحبش………………………. أمسح لحد جوخ
لأنى بصراحة بحب………………. أكل السمك ويا البطروخ
واللى بيحب البطروخ …….دمه دايما حمش وواد أنزوح
ومابحبش أطبل وأهلل لناس….. أنا منهم مأذى و مبطوح
وياما صوتى أتنبح للحق اللى ضايع في دهاليز السطوح
والقيم والمبادئ والأخلاق …….أنهدمت وصرخ المدبوح
والنزعة هزت أركاني…………….. وزوايا كل شزايا الجروح
والنت خرب بيوت وأتصدعت……… جدران وبانت شروخ
والعيوب ظهرت في المجتمع ………وجلده بقى مسلوخ
فيس بوك وتوتير وتك توك…. خلى الناس حالهم مفشوخ
واللى بيحصل ده عيب وكسر كل الحواجز وغير مسموح

أديب وشاعر مهندس /محمد عوض
28/4/2024