(  الأصيلة  )

بقلمي  :
……….
أنا على باله من غير شيء
داخل طالع مبرقلي عينيه
حسه مسمع ومقويه
داخل طالع تشويح بإيديه
لسانه فالت مايقرا العيبة 
مصاحب نكده وموصيه
سالته بشخطه إيه حصل إيه
أهدى أمال يا سيدنا البيه
بالراحة عليا صوتك عالي
هتلم الناس كمان حواليه
يادي الجرسه قاعدة بأدبي
وساكته بوجعي ما تعلم بيه
حسن طبعك ياراجل البيت
كل أمورك بتمام مقضية
سامعة كلامك وبأعمل بيه
بالعيشة قنوعة بنفس رضية
العصمة في إيدك بيك محمية
باقيه عليك موش غلبانه
بس أفعالك ما ليها نهاية
عقلي شت بقيت طهقانة
رحت  لحالي وأنا زعلانة
كان يوماتي مانع الطلعة
محضر ليا دايما شغلة
أنعي خروجي وأتغم بطرحة
قلبي إتفرهد ومعنديش جرئة
نفسي عفيفة معاه تعبانة
حافظة كرامتي عملت بأصلي
كنت صبورة على أفعاله
بيشغل بالي بكلام فاضي
ما يخصني فيه ويبقى دلاله
عازمة بجهدي أمشي شيطانه
بأهدي السر صاينه العشرة
برضوا أنا قلبي فيه حنية
حياتنا يكتب فيها رواية
أنا بطلتها إلي نهايتها
عملت حيله بدوار مرضانة
وقعت بطولي وسط الصالة
بعباية مبلولة ما أنا عرقانة
سبلت عيوني من دي الحالة
جابلي كولونيا بقيت عطسانة
خدني في حضنه ما أنا عميانة
روقت وفوقت من دي ملامة
راح مصالحني بهزار وشقاوة
……………………..
احمد الشريف حسين