حبر على ورق.
ساعات احن للماضى
انده عليه بالقلم
احس بسعاده واحس بألم
وساعات ابص فى المرايا
أكلم اللى جوايا
وشوف على وشى
آثار الزمن
اضحك ساعات
وابكى ساعات
وقول آه يازمن
وبرغم المشيب
احس أن جوايا
قلب شباب
اكتب كلام عن الحبيب
عن الهيام
اوصف الحب
بكلام جميل
وساعات اكتب
عن الفراق
عن الالم والعذاب
وساعات امشى فى الطريق
ازرف دموع
واضحك ساعات
امرى غريب
ورغم المشيب
احس أن جوايا
قلب شباب
وساعات احس
إنى شاعر أو اديب
واهو حبر على ورق
ومش هيرجع إللى راح
بس لما بكتب برتاح
امرى غريب
نبيل المصرى
..
خاص بالنصوص المميزة
D. Hodaaabdo 
أضف تعليق