يا اللي راكب فوق
×××××××××××××
يا اللي راكب فوق قول للي راكب تحت
خل بالك يا خويا …لنقع كلنا في الفحت
وقول لحبيبنا بلاش يضرب فرملة بالقوي
……………والكل يتكعبل ويجيله السَكت
وتبقى أيامنا كلها ..كحت مكحوت بالكحت
وحنصبر على ناس بيلعبوا…. في عنينا بصوابعهم البخت
وناس تانية مقضياها ……………معانا حفر وردم وحرت
وناس بتشحن مننا وفي……… ذمتها لينا ألف كرت وكرت
وناس بتاكل مال النبي………………….. وتحب أكل السُحت
وناس بتعمل فخوخ زي ما عملوا مع ربنا أصحاب السبت
وناس بتعلم الأجيال الحيل والمكر وبتنحتها ليهم  نحت
وناس بتحب تأذي الغير وبتنعتهم
……………………………….. في وشهم وضهرهم نعت
وأرجع و أقول
يا اللي راكب فوق قول للي راكب تحت
خل بالك يا خويا …لنقع كلنا في الفحت
وقول لحبيبنا بلاش يضرب فرملة بالقوي
…………..والكل يتكعبل ويجيله السَكت
وكمان أقول
يا راميلي لقمة نشفة……………….. واُنت عندك  العيش طري
اُرحمني بقى من بخلك……………………….. يا بخيل يا مفتري
ومن العذاب اللي شوفته …………في عيشتك يا أونطجي
والعيش لسة ……………….صغير وبقى نَيّْ ومش مستوي
والدنيا متشقلبة بتخلي القُلَيِّل كبير والكبير زعلان وملتوي
وخَلِّ بالك الزمان ده ……….في ناس بتبيع فينا وبتشتري
وفي ناس توديك البحر……. وتجيبك عطشان مش مرتوي
وأخيرا نقول
يا اللي راكب فوق.. قول للي راكب تحت
خلى بالك يا خويا…. لنقع كلنا في الفحت
وقول لحبيبنا بلاش يضرب فرملة بالقوي
…………. والكل يتكعبل ويجيله السَكت
أديب وشاعر مهندس/ محمد عوض
30/5/2024