أنا إنسان بقلمي عبدالله رجب ابوعدنان
لما الدنيا تضيق ابص لفوق
والاقي نجوم وسما

وحمامة بتحوم ونعمة تدوم

عاشق للتمتما

افرك صوابعي وابعد مواجعي

واتوضى للصلا

وساعات ياخدني الحنين
فاشرب حجرين

مع كحه وهنهنه

فاغيب عن الوعي ثواني

احاول أرجع لزماني

مش عارف مين أنا

الدنيا جرحتني كتير

ولسه ماشي بحب وضمير

وبتمنى لغيري السعد و الهنا

ساعات احس اني شاعر كبير
وساعات زي ما اكون غفير

وتاعبني الغلا والبكا

الدخان ملا المكان

ف الآخر أنا إنسان

أشرب معسل مع كرشه نفس وملل

يمكن لأني لنفسي أعذر و أعلل

وأوقات كتير أسبح وأحمد و أهلل

وعشمان ف الجنه