السند بقلمي عبدالله رجب ابوعدنان
أوعى تفتكر إن الأيام ضهر وسند
عمر الأيام ما حبت ضعيف

ولا حتى بنت وولد

دول جزعهم طري زي أوراق الخريف

بتاخد أجمل ما فينا ولما تحب تدينا
تسيبلنا شيبة وضهر متني وخوف

بلاش تتعشم ف صاحب

ولا تحب بذيادة قريب

ع المعديه راح نتحاسب

وتعيش فيها كما الغريب

لو كنت ف يوم تتعاجب

النهارده مانافع معاك دوا ولا طبيب

بس كلمه حق قولتها زمان وعمل المعروف

الضربة عمرها ما بتموت

واللي يكسر عمره ما يتصلح

ازعق وعلي الصوت

وقول آه ع اللي باعوك ساعة الفرح

حلمك ف الدنيا إيه أوعى تقولي بس رغيف

جرب تكون وحدك لأن الوحدة بتعلم

تحس بنفسك ومن جرحك تتألم

دراعك سندك و الأخ ما عادش بيتكلم

واللمه والصحبه والجدعان كلهم طلعوا تخاريف