نفس المكان
وَقَاعد فى المكان هو إللى ما تِغيرش
ومِستني كده تِهلي مابَتحركش
فَاتت ساعه كمان ساعه ويوم عَده وأيام
ولا هَليتي ولاحتى بَعتي كلام
وأنا مُشتاق ووحِشاني
وشيفك فى المكان نفسه
على الكرسى ومشتاقه
يدق الباب هوى الأحباب
وشاشه كبيره على الحيطه
وع الشباك هوى بارد ومِستنيه على مِيعاد
وفى الشارع على السكه ضاع الأحباب
هواكِ نضيف لونه أبيض بلون قلبكِ
لون الطرحه إللى على راسكِ تِبوس خدكِ
وسجاده وسبحه هناك ودعوه لسه فاكرها
من قلبكِ يارب إحميه من الحساد
يارب دا عيدي ومواعيدي
سنين صبري على إللى فات
وبيني وبينكِ محيط وبلاد
وإدعيلي ماتِظلمنيش
أنا تَايه بعيد عنكِ ومن غيرك
ماليش غيركِ وحَد مافيش
ويمكن أكون أنا الغلطان
أقولك إيه وبِتحسبيني على إيه
وفين كنتِ
وأنا بدور على حضنكِ وبتنقل بين الأحضان
ولما جيت هنا عندك بنتحاسب على إللى كان
بَحبك موت ووحشاني يَاريت تِيجي تِضميني
وأنا قاعد فى المكان هو إللى ما تِغيرش
ومِستنى كده تِهلي ما بَتحركش
شعر
على أبو السعود
خاص بالنصوص المميزة
D. Hodaaabdo 
أضف تعليق