ذكريات
كلمات عفاف مسلم
جوه قلبي ذكريات
  من سنين وعمر فات
عمري ماشي بطول وعرضه
حلم ليل أو حلم وردي
كله ساري كله ماشي.
والسكوت مليان حكايات
كلمه جاده أو بسيطه
او سؤال عابر وهايف
السؤال عامل عمايله
ليه يقولوا وليه يعيدوا
وف مناسبه حلوه او
اعزل الكون عني لو
بص ليا حد بصه لو عاديه
افتكرها ضدي حصري
السنين مرت عليا
والدولاب الغالي ليا
جوه منه كتير حاجات
ذي فستان الطفوله
ويا توكه أو دفيره
ويا لعبه بين اديه
احتويهابكل ما بيا
ولا فستان الشقاوه
احلى سن وده حكايه
المراهقه في البدايه
والمحبه بكل حنان
ويا حب ابن الجيران
او زميل في المدرسه
كل افكار البنات
لسه تحبي بدون ثبات
فكر ضايع لسه هائج
ماشي يجري بدون معالم
اول كلمة حب منه
افتكرها ف كل لحظه
ولا منديله المعطر
كنت أعينهم جوه كتبي
واول دب جابه ليا
في عيد الحب
كنت خايفه من
سؤال امي ليا
اصحى من نومي ابوسه
يدخل الليل احضنه
ويا ورده بين ايديا  اشمها
افتح الكتاب ما اذاكر
المس بايدي كل حاجه
اعيش في حلم هادي ناعم
يدخل الليل في آخره
أطفي النور الاوضه انام
والسكون عادي وناعم
يطلع النهار الاقي
الدروس كترت عليا.
والسؤال معرفشي اجاوب
امتحن اذاي خلاص
ما الحلم ضيعني وضاع
وقتها خلاص فهمت
اللي مكتوب ع الجبين
لابد تشوفه العين
والسؤال الحي صاحي
والكلام له ميت معان
وكله في الدماغ يعاني
وخلاص كبرت أنا
والدفيره واتفككت
والطفوله راحت خلاص
والورود والهدايا
كلها عادت سراب
هي اخر الحكايه
تنحكي لكل الولاد