بقلم:ناصر محمد محمود
الشهره.ناصر المنوراتي
بنت الجيران
***********
كنت زمان ولد صغير
بجلبيتي الخضره المقلمه
وبوتي لابيض الجلد
والقراءه ف وشى معلمه
اسرح الغيط الاعب القمري والقرادين
واسمع حكاوي البلابل وهى مغرده
اطلع ع الصفصافه
اسمع ديوك الفجر وهى مآدنه
اعمل من غصون النخل مرجيحه
وانعس ع صوت السواقى بسنفونيه متلحنه
اطير ورا الفصاد والوطاويط
واشاول لطياره ف السما محلقه
وشوفت البنيه اتغيرت حياتي
اتغير الطفل ابو مريله
أصبح بجزمه ومنطلون وقميص ونضاره وشرابات متلونه
هوستني بت الجيران
بعينها الخضره ومقاطعها المسمسمه
كنت اتضرب خص بيتهم بطوبه علشان نتقابل سوه
افتح كتابى تفتح كتابها
بنذاكر حب وعشق وهوه
ألقاها جيبالى ف طرف شالها
حبة سوداني وشوية بلح
امسك ايديها ف ايديه
نتكلم شويه ف أيامنا اللي جايه
ليلة الحنا والفرح
يقطع سعات النور علينا بعد العشا
أقرأ حروف الكلام من ضي وشها
يا محلى عودها وحمار  خدودها
لا في مثيلها ولا حسنها
كانت عنيها بتقول كلام
اه يا سلام لو عليل يطيب من غير دوا
حتى الهوى بغير منه
لما يرفرف خصله من خصلات شعرها
بدى احطك ف قالب قزاز
واكتب عليه ممنوع حد يروحلها
دانا ف عياي وف عز التعب
مسخسخ وسخنان وجسمي بيتلوى
كتبت اسمها ف قصقوصة ورق
وبلعتوا بالميه أصبحت عنترا
نفسى اعمل من ضفايرك سلمه
اطلع لحد عنيكى وفك رموشها المطلسمه
عنيكى اللي سبيانى ومدوخانى ووخدانى
للعباسيه للاومان طره
ولا لما جرحت ايديه وكتبت بالدم اسمك
على ورقات كتابى وعلى المسطره
وجاتنى يوم حزينه لابسه لأسود
وكانت مكشره
بتقولى ابن نقيه طلب ايديه وقاعد ويا ابويا ف المنضره
شخطت فيها وصابعى ف عنيها
طب واللي بينا واحلامنا سوه
دانا كنت شايلك ف نن عينى وبين رموشى وبيبان قلبى عليكى مسكره
قولى لابوكى بحب جارى وهو شارى
لتدهونى لنهرب سوه
قلتلى مقدرش اخالفه ما انت عارفه
مريض بالقلب وعنده السكره
وسمعت زغروته من صحن بيتهم رصاصه ياولداه وقلبى بيها انكوا
قروا فتحتك ع واد نقيه خلاص ملعون ابوك يا هوا