دنا قلبي ماحبش إلا أنت

ليه دايما إحساسي سابقني
ليه الدمع بيبقي غالبني
نازل سيل دايما علي خدي
كنت باقول إنك مش أدي
كنت باشوف جوايا تحدي
كنت باقول ايام وتعدي
مش بتعدي ٠٠٠٠

ليه دلوقتي ضعفت قصادك
ليه باستني تملي ميعادك
إحساس قاسي ومش مألوف
إن انا دايما حاسه بخوف
أسئلة فاضت ملهاش عد
قلبي سألها بكل كسوف
لكن ياخساره مبلقاش رد
وألمح عينك ٠٠ أسألك فينك

وأما تقرب مني بجد
بانسي قساوة الدنيا بحالها
واسرح جوه عنيك وجمالها
وبحس برعشه وببروده
باتمتي تاخذني في أحضانك
وحياتي بقلبك مسدوده
تفرح لو تعرف اخبارك
واستني أيامنا الموعوده
واحلف لأحطم أصرارك
و ح نفضل ع الحال ده لأمتي
دنا قلبي ماحبش إلا أنت

سيد الحلواني

واحلف