النور بعد الظلام
×××××××××××
مين اللي زعلان ؟ ………………ومين اللي غلطان؟
متعملش فيها………………………….. إنك اِنت الزعلان
وتْطَلَّع الحق عليَّ………………. …. وتقول أنا الغلطان
دنا اللي فاهمك ورسمك وعارف ألاعيبك بتاعة زمان
ياما سمحتك واُديتك.. من عمري وحياتي كل الأمان
وخليتك تشوف الدنيا ………..معاية بأجمل الألوان
جاي دلوقتي تعلمني………… إزاي اِنت تديني الحنان
وأنا اللي ساقتهولك………… من زمان وفي كل أوان
خليتك تعدي الصعب……. وتنسى الشقى والحرمان
جاي دلوقتي تكلمني……………. وتفكرني بأيام زمان
اِرجع ماخلاص مبقاش.. ليك بقلبي أي ود ولا مكان
وقفلت باب قلبي ………..وغيرت المفتاح والعنوان
ونسيت الأسى اللي ……ملاني منك وغصة الأحزان
ونسيت لهفة الشوق…………….. ونسيت نغم الألحان
والسكة تاهت من رجلي…….. زي ما اُنت تُهْت كمان
وهي دنيا ومرت علينا……………. والحق عند الديان
والنور جِه بعد……………. ظلام الليل وبعد الأشجان
والقمر رجع ينور الكون ثاني….. بعد سحابة الدخان
واللي قابلته بعدك.. شمس بتشرق وتدفي الأحضان
ظله مظلل عليَّ ……..حب وفرح متشابك الأغصان
فمتعملش فيها……………… .          اِنك أنت الزعلان
وتْطَلَّع الحق عليَّ…………………… وتقول أنا الغلطان
أديب وشاعر مهندس/ محمد عوض
15/8/2024