ع الشط
بقلمي عبدالله رجب ابوعدنان

ع الشط واقف مستني
تهب نسمه جميله وريح

اخوات خمسه وخاب ظني

ف التوهة عايشين مجاريح

ع الشط دبلت سنابلنا

لا عشنا ولا كنا

الفرقه مزقت أوصالنا

بتقطع وتمرمغ الحلم الصابح

تتبدل الوشوش واللقا جارح

ودم ف الأمكنة سايح

وع الشط شوفت القسوه راكبه العلالي

أمد ايدي سكاكين ف وشي بتلالي

وانا اللي كنت فاكر الأيام الحلوه جايالي

وإن اللمه ع الشط

فيها الحنان والدفا

لقيت قلوب ماليها الرمل والصفيح