شيلينى من ذكرياتك
أنا عمرى ماكون مغرور
لكن ثاير على هواكى
ماهو قلبى كمان معذور
وقادر برضو ينساكى
أشوف الضحكه ف عنيكى
وعلى صوت دمعتى تغنى
لا همك حد ………حواليكى
ولا حتى قادره……تستنى
دنا اللى ف عز ماحزنتى
بكيت. وكأنك أنا إنتى
يا غلطه ف عمرى عدتها
قاسيت. وشربت أناتك
شوفيلك حاجه غير قلبى
تسلى بيها ……….أوقاتك
خلاص قررت البعاد عنك
ومعرفكيش
لعاد أسفك بيألمنى
وقلبك شئ …..مايلزمنيش
شيلينى ………من ذكرياتك
أنا عمرى ماكون مغرور
لكنى نويت أكون ذكرى
لحب قديم. أوى. فاتك
سيد الحلوانى
خاص بالنصوص المميزة
D. Hodaaabdo 
أضف تعليق