ياقطر العمر

ياقطر العمر يامعدي
ما تجي بفرحه وتهدي
أنا بستني ليا سنين
والفرح عازه ليه عني

وقاعده أستني تندهلي
وصوت صوتك بيخطفني
وأجري وراك وأبص عليك
ماتجي في مره تلحقني

ياقطر غريب بركابك
وهم كبير علي بابك
طب إنت شيلت فرح
لمين دا فرح القلب مستغني

علي رصيف الحياه واقف
ومش فاهم ومش عارف
لاحنه علينا دنيتنا 
ولا بان لونها يوم وردي

وبنعافر مع المشاوير
نقول عادي مادمنا بخير
ودنيا ملتها أوجعنا بتجرحنا
تبكينا ويفضل جرحها يكوي

ياقطر العمر هستني
وهشاورك مع الرايحين
كفوفي رسمها حنه وصوتي
ناداك  فتستني

قمر في الليل مبكيني
وشمس صابحه بتداوي
ونجمه في السما باكيه
عشان خاطر تداويني

ومشوار الحياه مشوار
يموتني ويحييني
                    بقلمي نورا السيد