…… كرام .. ولئام ……
******************
لما تبقى لوحدك انت
بين قنابل بين ركام
بين عظام اللحم منها
أختلط من خاص لعام
والملامح فيش ملامح
ما الرؤس طارت قوام 
يعني لما تعوز تدور
بين جثث هيكون محال
تلقى جثة براس وكاملة 
تعرف أنه دي لفلان
أفتح الكيس وانت ساكت
عبي لحم وعضم كان.. ؟
واحنا نتفرج عليكم
نبكي حبة نقول حرام 
ندعو ليكم بنصر يشفي
للصدور يااهل الإيمان 
ثم نرجع تاني نضحك
من مواقف آه يا مان
والحياة بتسير وعادي
بالعيال ويا المدام  ؟
أحنا أصل الداء وعلة
دي الحقيقة مش كلام ؟
الطاعون وكورونا أحنا
أحنا إمراض العوام
أما غ ز ة وأهل غ ز ة
دول كرام نسل لكرام 
أنتو أحياء واحنا متنا
من سنين وده مش كلام ؟
انتو في الجنة ونعيمها
بين قصور مع حور تمام
والعنب قدامكوا طازة
واللحوم وطيور حمام
أنعم المولى عليكم 
بالجنان ولافيش خصام
عفو منه لأهل غ ز ة
يدخلوها وبسلام ..
أما أحنا في نار جهنم
أصل احنا ولاد لئام
سبنا ليكوا وكان جزاتنا
نار جهنم للدوام ..
بقلمي .. الشاعر ياسر فؤاد الجدي  
السبت .. ٢٤/٨/٢٠٢٤