صرخه صمت
الصمت يصرخ من وجع
الصمت يصرخ من الألم
الصمت مسك القلم
كتب لقلبه اللي أتظلم
الصمت كتب كلام كتب حروف كتب شجن
شكوي وخوف
الصمت يحكي عالظروف والذكرايات وعمر فات
علي الجروح علي الخيانة والاهانة من حبيب
من اللي حبة قلب داب عمره ما تاب من هجر لوعة وصوت أنين طول السنين
يشكي الهوي قلب أرتوي من شوق لنظره وضحكة ليه
ساعه لقا ساعة ما كون محتاج اليك أنده عليك
اشوف سراب عاصفة وتراب
عيوني تدمع من سكات
ويا الظنون و أسأل ياقلبي ازاي اهون
علي قلب حبيته بضمير
أعشق وأغير من نسمة لمست يوم جبينة
وارجع وأقول
لقلب ينسي الذكريات ينسي أللي فات
كل أللي فات مليان وجع
مليان اهات
صمت القلوب والأنتظار
ألم ونار تحرق جوارح تكسر نفوس
أصرخ يا صمتي وأشتكي
أصرخ وسمع كل قلب
بلاش يحب
من غير سماع كلمه رضا
من الحبيب
يسمع غني ويشوف بيعينة بسمة جاية من بعيد
بلاش تحب من بعيد زي الحديد
لازم تحب قلب حبك وعيش سعيد
بلاش تصرخ من سكات
بلاش تدوس الذكريات
صرخة ندم
صرخة وجع
صرخة أنين
صرخة صمت
بقلم / عماد السيد
خاص بالنصوص المميزة
D. Hodaaabdo 
أضف تعليق