الغـــــــــــــــربه
الغربه بيت مهجور
وقلوب زاي الصخور
وعتمه بلا نور
لا فرح يجي يحن
ولا راحه تحلي المر
الشقا مطحون بالذل
وايام حالفه بخير ماتمر
غريب الاهل والصحبه
رفيق الحزن والدمعه
كما طير بجناح مكسور
ومهما يكن الحلو في الغربه
متحلي والله بعلقم مر
كفايه البعد عن اهلي
ده لوحده بحور م الصبر
وطعم اللقمه في الغربه
بتنزل كانك بتاكل جمر
والليل الطويل في البرد
والنوم اللي متحرم بكتر الفكر
ابويا وتعبه وامي واخواتي
وفرح اختي اللي في غربتي هيمر
كنت بقولها هعملك فرح محصلش
وألم احبابنا ونرقص على الطبل والزمر
واخدك من ايدك لعريسك
لكن سامحيني حبيبتي
غربتي سجن وانا مش حر
بس هفرح لفرحك وارقص هنا
واعمل فرح انواره من الصبر
متزعليش ياماه بقا متعيطيش
افرحي وغني ياست الكل
والله دمعتك الدنيا ليها متساويش
وقولي لابويا اعزم كل الحبايب
ده اول فرحه لينا بعد سنين
وانا معاكم شات وكاميرا
كاني مش في غربه
تصورلي كل حاجه بالتفصيل
هتهونوا عليا ايام المر
وتنورا البيت المهجور
واتونس بالفرحه والصور
وبنظره لعيونكم يحلي المر
وادعولي ايام غربتي تتهون وتمر
وارجع واحضن تراب ارضك يامصر
،،،،،  الـــــغربه،،،،،،  بقلمي محمد رمضان عبدالسلام
13/9/2024