كمان مرة
غالب ومغلوب
وبعيد عن الغُلب
والعايب والمعيوب
اكتب سؤال للقلب
واسأل عن المطلوب
من امتى كان في الحب
غالب وفيه مغلوب
الشوق لو يوم رجع
ومنه القلب طق
اكتم شفايف الوجع
ما تخليهاش تنطق
واخلع هدوم البأس
وفصل م الامل توب
واكسر ضلوع اليأس
على حرف باب ايوب
منصوب علينا بأدب
وياعيني عالمنصوب
الصبر عنده عجب
مجرورة روحه بعيب
مرفوع يا عمر بتعب
والضحك صابه الشيب
مش باقي غير العتب
ع الحظ والمكتوب
عصام _قابيل