بيت الحبايب..
……………..
ومريت على بيت الحبايب صدفه
ووقفت فجأة!!
وفي عيني متحجرة الدمعة..
وقفت أفتكر وفي قلبي ألف غصة،،
طب أخبط على بابهم
يمكن ألاقي أمي واقفه، ؟!
ماهي كانت دايما ورا الباب بتستنى، ،،
وكانت مش سيعاها الفرحة
وأبويا كان قاعد في الاوضه على الكنبه،،،
وقلبه سعيد من البهجه
،،لكن خسارة الباب مقفول،،
عشش عليه اليأس،، غلب عليه السكون
ياريت يا دنيا ترجعي بيا لورا حبه
ياريت يادنيا
وتلفي بيا لفه،،
بس أشوف الحبايب
وأعمل لقلبي زفه
وأبوس الأيادي
وأسعد ولو بنظره
سبقونا الحبايب
وسابونا بين الحزن واللهفه
وفقدنا اللمه والعزوة
يارب اجمعنا بيهم في الجنه.
_________________
بقلمي وفاء غباشي
خاص بالنصوص المميزة
D. Hodaaabdo 
أضف تعليق