بتجازيني..
قلم السيد بدر
عشان شاريكي بتجازيني
وبمشاعري  بتلعبي
اجي اعاتبك ولما احاورك
تنهي حوارنا وتغضبي
انا متحمل علشان شاري
خسرانه لو ماهتفهمي إنتي حره
…….
قلبي مش سجان عليكي
امتى كان زنزانه  ليكي
بختصار  ده اشتياق
غبتي  بتلهف عليكي
كان طبيعي تبيعي
ومدام قدرتي  سهل اقولك
بالسلامه إنتي حره ارحلي
…..
لو حسيتي بصدق كلامي
لو رقيتي قبلتي عتابي
ماحستيش ما رقتيش
لكن عنادك أساني
لابحايل زى الأول
ولا زى زمان هاترجاكى
  بالسلامه باقيتي حره ارحلي
….
إنسي  أسلم قلبي ليكي
مهما فى الأحلام تجيني
إتهامك  ليا فاكره
مش راح اشغل بالي بيكي
بالسلامه باقيتي حره
بعد أيه عايزاني ليكي
…….
بقايا صوره بهتانه
فى اخر رف مزويه
وقصه قديمه متعانه
نسيتها فينها منسيه
هنهي قصه
  وقصه تانيه حبتديها
بس غيرك هايشاركني
إنتهيتي  بالسلامه
بعد أيه عيزاني ليكي
……..  ………   ………