إخواتي الأعزاء
×××××××××××××
قالوها زمان في الأغاني…………. وبقوة الأحساس
يارب بلدي …………..وحبايبي والمجتمع والناس
وإخواتى تلبس وتاكل ولغيرها في يوم ما تحتاس
وبقينا في الزمان ده ..مش لاقين ومن غير مداس
كلام وماعدش له ……معنى والفقير ديما محتاس
فاقد العزم وبيطَلع …….في أخر نفس من الأنفاس
زمن ضاع فية المأوى ….واللقمة من شدة الإفلاس
وخيرها مبقاش لإخواتي…….. مُهلهلي المَم واللباس
كلمة وقالوها حب الوطن ..وقرطسونا في القرطاس
وخيرها كثير بس مقفول…. علينا بالضبة وبالترباس
إلا الرقص والزمر والطبل….. وفن هابط بلا مساس
والباشا والبغاشة والحبشكاشة  بيقولوا إحنا الأساس
طرتة بالكريمة ومتقسمة بالسنتي والمللى وبالمقاس
والغلبان ضايع وكاتم صوته.. وأنفاسه من الإحتباس
عمره ماكان حبة ولا طوبة… يعلو بيها جدار جباس
طول ما عمر  الحق ……….رايح منه وديما منداس
وإخواتى تعبت وجلها …………صداع ووجع بالراس
والخنقة بقيت مَبقُوقَة… وبترقص على رنة الأجراس
والدنيا بقيت مَشطُوطة بحكة وحتنطق كل الأخراس
على أمل تيجى رحمة… ونقيم فيها الفرح والأعراس
والفقير فيها  يعيش…… من غير مايجذ ع الاضراس
أديب وشاعر مهندس/ محمد عوض
10/11/2024