بلاش تلوموني
من الناس المديونالي
××××××××××××××
بيلوموني لو قولت إن الناس ده مديونالي بحاجات كتير
بالحب لما أنكتب عليه ………من غير وعى ولا ذرة تفكير
عايزكم  تردولي أيامي وترجعوني تانى أعيش عيشة الأمير
وتردولي حياتي اللي ضاعت……… من غير قيمة ولا تقدير
وتردولي أشواقى اللى كانت… بين الضلوع حتتخلع وتطير
وتردولي أحلامي اللي…………. أتجمدت من غير أى تفسير
وتردولي دموعي اللي ..روت فدادين الصبر ووجع  التصبير
وتردولي لهفتي…… وخوفي لما النسمة كانت بتمر وبتجرح وهى بتسير
وعنية اللي كانت بتسهر ………ويا القمر في ضيه المنير
والنجوم لما كانت بتنور………… لياليه في طريقها العسير
وشعلة الحنان اللي كانت خارجة من كياني فى شهقة الزفير
وخطوة الأمان اللي…… لما الحياة كانت بترجع لنقطة التصفير
وحمولة الصعاب اللي …..شايلها ع الكتاف لما الأزمة تبقى في الخطير
وشمس النهار لما………. تبقى غروب فى وقت الظهر الظهير
وطعنة الصحب ويا الصحاب.. اللي كانت بتنفخ فيه كالنفير
ونظرة الشماتة فى …عيون العوازل لما يموت صوت البلابل ويا العصافير
وأرفع ضحكتي ثانى ……ويمشى الهم ويا الغم على الخط السطير
وأركب موجة الإيمان.. وأدع الرحمان أنه نجاني من مرارة المرير
رجعولي كل ده وسبوني ….أعيش فى حياتي أذكى وأنقى من التطهير
وبلاش تلموني لما أقول……. إن الناس ده مديونالي بحاجات كتير
أديب وشاعر مهندس/ محمد عوض
3/11/2024