“كل الملامح”
عاشق خيالها وراسم خصالها
بعشق رطبها زرعته نخيل
حسنها الزايد وشوقها اللى قايد
فى قلبى سواقى وهواها العليل
بحيا فى صيفها وأغنى خريفها
بحب شتاها وليلها الطويل
ألفت الأغانى وكتبت القصايد
غناهم حليم بلحن الطويل
راوى ورودها بعسل رضابها
وبعشق رضاها ساترها الجليل
حياتى بدونها تصبح ضباب
ويسكن عرينها حضنى الأصيل
أفديها بروحى ويبقا شوية
بحبى وشهامتى و مش مستحيل
بعلن حمايتى جوة عباية
وسلامى فى حمامها وطربه الهديل
حياتى فى عجينها ويبقا غموسه
أزرع زيتونها فى قلبى الجميل
وكان ورثى منها كل الملامح
باينة فى شكلى ودا مش قليل
كلماتى:
الشاعر: حليم محمود أبو العيلة
خاص بالنصوص المميزة
D. Hodaaabdo 
أضف تعليق