مسيرك يوم
مسيرك يوم تقولها لى  ياشاغل قلبى وخيالى
بحبك قلبى قالهالك.  وامتى تقولها يا غالى
حبيبى التقل مش اده بلاش تقسى بلاش العند
ده كل مازاد عن حده ضرورى يتقلب  للضد
بحبك كلمه تفرحنى  تقولهالى  تريحنى
أتوه والرمش يجرحنى وزى ما قلبى ببسامح
ياريت انت تسامحنى
حبيبى والفؤاد مشغول
وحبى شرحه ليك ح يطول
ليه تنكر والعيون بتقول
كلام انا عمرى ماسمعته
بتبنيه انت  للمجهول
بحبك قولها ليا خلاص وسيبك من كلام الناس
ومهما تخبى ودارى
عيونك كلها احساس
باشوف الحب جواها  ونبض القلب بلقاها
وايه راح يجرى لو مره تقولهالى وتنساها

سيد الحلوانى