فين ضحكتك
يا حبيبتى باعشق ضحكتك
صعبان عليا وحدتك
ليه الزمان دايما مضيع فرحتك
اخرجى م اللى انتى فيه
ح تلاقى حضنى ف سكتك
فارد جناحه ماانتى اللى ليه
أمله ان ترجع ضحكتك
والقلب اللى ياما حلفتى بيه
عايش معاكى فى دنيتك
مستنى مره تحنى ليه
وتحسسيه بحنيتك
متعرفيش انا اد ايه محتاج أوى
المس خدودك وارتوى
واعيش فى حاله ما تنتهيش
قصاد عينكى باتوه واعيش
فى دنبا تانيه متخصنيش
تخصك انتى ماانتى الحقيقه دنيتى
واسرح تملى فى لون عينكى
ورموش غريبه ما يجرحوش
علمتى قلبى يبص ليكى بنظره تأسر
ما يهموهوش
نويتى ولا مصره لسه
قلبى وحياتى ما يرتووش
سيد الحلوانى
خاص بالنصوص المميزة
D. Hodaaabdo 
أضف تعليق