………… مع السلامه ……….
مع السلامه خدى الباب بإيدك
وما تجبيش سيرتى ع لسانك
وهمتينى بعطر من ورووودك
وسقتيينى المرار من حنانك
كان بيجرى فى عمق وريدك
كان كمين مدارى فى أحضانك
صدقت كدبك اللى كان نشيدك
وحلاوته مرسومه ع اغصانك
وكنت بهلل وبفرح بوجوودك
وضحكتك الصفرا ملت زمانك
وكلام معسول ف كل ردوودك
ومرارته سقيتيها لزرع غيطانك
مررتى الارض من ايام جدودك
والتراب إتسمم من سم طغيانك
مع السلامه خدى الباب ف إيدك
ومتفتحيش ع ناصيتى بيبانك
ومترسميش الدموع ع خدودك
ولا تلووونى ملامحك بأحزانك
خلاص مفيش امل ! قل رصيدك
ومبقتش أتأثر بلخبطة الووانك
والورق داب من سراب وعوودك
وشطب من على سطوره عنوانك
…………………………………..
……. د . حسن الشوان 🇪🇬 ……
خاص بالنصوص المميزة
D. Hodaaabdo 
أضف تعليق