**** دنيا عجيبة ****
والله دنيا بجد عجيبة
فيها الفرحة حاجة غريبة
كل أيامنا شبه بعضيها
جرح وحزن وحسرة وخيبة
فين الرحمة فين الإحساس
فين العشرة والأخلاص
ليه الطيب. ماله مكان
وعشان ايه ديما ينداس
كنا زمان بنقول يا صديق
انت الفرحة وقت الضيق
وانت الضهر اللي فارد عودي
وملازمني طول الطريق
ليه دلوقتي بعت العشرة
والصداقة مجرد فكرة
نحكي عليها ونقول دا كان
وبقيت فينا اطلال ذكرى
وانت يا جاري يا داخل داري
تسمع مني كل أسراري
وكل ليلة تشوف أخباري
والاقيك جنبي حتي في ناري
تعدي عليا ولا حتى سلام
وكأننا ديما في خصام
وتمسك سيرتي بين الناس
والله دي عيبة وفعل حرام
فين الأصل فين الأخلاق
ليه دنيتنا دنيا نفاق
وشك وشك تبقي حبيبي
وبعد ما اسيبك سم عتاق
وأنت يا نصي الحلو الحاني
ليه في لحظة تبقي أناني
كل همك في الدنيا دي
أكل ولبس ومفيش تاني
طول ما القرش بيجري في أيدي
أبقي غالي وتبقي حبيبي
ولما يضيق بيا الحال
تقلب وشك وتبقى خصيمي
والله فعلا دنيا وخايبة
واللي طالبها دي نفوس عايبة
نسيت انها ديما. قلابة
مرة نعيم والباقي نار قايدة
أوعي تصدق دنيا غرورة
أو تحلم تطلع في الصورة
هي يا صاحبي دنيا وفانية
وبعدها يبقي جنان معمورة
سيب صاحبك واللي فيه
وأوعي في يوم مرة تعاديه
أعرف صاحبك وانسى فعله
بكره الأيام هتربيه
خلي سرك جوه في قلبك
وما تشكيش إلا لربك
ولا تتعشم في جار وصديق
أو في حبيب فكرته رفيق
خليك ديما كدا مع نفسك
وعيش ديما باللي يناسبك
وارمي همومك ع اللي خلقك
هتعيش راضي ورافع رأسك
******************************
******************************
بقلم / مصطفى كرم
خاص بالنصوص المميزة
D. Hodaaabdo 
أضف تعليق