**** حتة منى ****

ياللى فيك حاجة منى

حتى صورتك بتشابهنى

عارفه ايه سر الحكاية

هى إنك حته منى

لما قال رب العباد

كن خليفتى ف البلاد

وخاف عليا م الميعاد

خلاكى ليا تكونى زاد

خلى ورفيقى في دنيتى

واسكن فيك مودتي

صارت حياتك جنتى

وحضن دافي فى محنتى

قال تحت رجلك الجنان

فيض ورحمة من الرحمن

وملا قلبك عطف وحنان

وسد عالى ضد الزمان

عرفتى أيه أصل الحكاية

انت روحي م البداية

ومهما طالت  الرواية

روحك معايا للنهاية

ما انت منى وانا منك

والفراق بينا استحالة

***********************

بقلم / مصطفي كرم