حريه لبلادى
أصل الوطن غالى
فى السجن زنزانه
سموها ثلاجه
مكتوبب على الجدران
حريه للأوطان
والسجن للسجان
أصل الوطن غالى
وأنا روحى لبلادى
أنا مش مهم أموت
وتعيشى يابلادى
أنا كنت فى الميدان
بهتف بقول إنسان
حريه لبلادى
والمجد للأوطان
عدل وكرامه وعيش
أنا نفسى إنى أعيش
والموت لكل جبان
بيسرق الأوطان
لما رصاصه جات
قتلت أخويه ومات
كان زى بينادى
حريه لبلادى
تتحرر الأوطان
والموت على إللى خان
من يومها
وأنا مسجون
زنزنتى ثلاجه
بكتب على الجدران
حريه للأوطان
والسجن للسجان
والموت على إللى خان
تتحرر الأوطان
لسه ما جاش الوقت
علشان نعيش أحرار
لكن جدار الظلم
قرب خلاص ينهار
شعر
على أبو السعود
خاص بالنصوص المميزة
D. Hodaaabdo 
أضف تعليق