سمراء النيل

سمراء النيل وجه جميل عيونها كحيلة
تاخدك لدنيا تانية وتعيش معاها واصيلة
شربت من ماء النيل ورواها زى الأرض
اصلك لو لفيت الدنيا مش هتلاقى زيها حد
دموعها لو بكت تنزل تروى قلوب تشتد
والتراب فى ايديها دهب يبنى مايهد
الخير فى ايدها كتير ينبوع مايتسد
نظرتها لكل شيء سديدة ماتترد
سمراء بلونها لكن قلبها لون الفل
تمشى تتعاجب ويعجب بيها الكل
💕💕💕💕💕💕💕💕
رنة خلخالها نغم ترقص عليه البنات
والرنة يسمعها الشاب ويقول هات
هات خلخال دهب للسمرة من سكات
علشان تسمع الرنة وتعرف المسافات
قريبة منك ولابعيدة ماهو مفيش زيها فات
ولاهيفوت ويمر عليك ماهى مش زى الفتيات
سمراء النيل بالشعر الأسود بيقول آهات
آه ياليل وآه ياعين ومواويل على اللى فات
لونها الجميل حباها بيه الله خالق السموات
سامية محمد
16/1/2023