الحب تحت الشمس الشاعر/ احمد نيازى بحبك تحت الشمس فى نقطه واضحه محدوده .. لابتتغير ولاتتلون بين اليوم والغد والامس .. نقطه ياحبيبى مرسومه من ثمرة نيلك ممدوده .. فى خرائط الحب علشان الحب .. ولا اشوفك ضايعه فى اتجاهات وقفه بتبيعى الضحكات … ولا اشوفك شقرا عيونك زرقا .. ولا اشوفك باالالوان التانيه التالته. انا عايزك دايما مصريه .. سمعاني بقولك مصريه .. فهماني بقولك مصريه. اشرفلى الطين بين ايدك عن اى عطور . اشرفلى انى احس بلغتك تفهمها الناس اللى تحبك مع كل عصور .. ولاتبقى رموشك صناعيه . ياشجره عمرى ولنهايتى وانتى فى دفاترى واشعارى معروفه انك مصريه مكتوبه انك عربيه
خاص بالنصوص المميزة
D. Hodaaabdo 
أضف تعليق