حقايقي مابتعجبش
——————-
لما تعد سنين الهم
لما تسمع دقات قلب..
وجعه الصمت
لما لسانك يتحرك ع الفاضي
شايل تقل الحلم هموم
أااه لما تخاف الضي
تخاف الناس…!
تخاف الأرض..!
أدخل فيا
فتش بين ابيات الشعر
جايز تعرف سر الحزن الدايب…
ف الحبر اللى انا بكتب بيه
ولما يقابلك بيت م الشعر
كنت كتبته زمان
أوهم نفسك إنك لخبطت العد
واحد …. إتنين
بس المرة دى……
وأنا بضحك…!
لأنى أول واحد
قلت حقيقه…
وأنا عارف إن حقايقي
مابتعجبش….
الناقد
حمدي البوقي