من اليوم نحن على ميعاد مع سلسله قصائد زجليه بعنوان الباز أفندى قصائد كاشفه لواقع مؤلم موجود بعالمنا العربى
ألا وهو الفساد الذى أصبح تأثيره واضح ومدمر
ونحن نحاول مجرد محاوله لتسليط الضوء على التأثير المدمر على عالمنا نتيجة لعدم إحتواء تلك الظاهرة
الباز أفندي
جزء أول
الباز أفندي راجل خطير
فى كل عصر تلاقيه مدير
من إعداديه لرئيس قطاع
لا تقول شهاده ولا بتاع
أول ما جانا فى الشركه كان
بيبيع هدوم كان فى الضياع
بيلف لفه وفى كل لفه
يكسب مكان
من الإعداديه لدبلوم زراعه
عملها دوغرى تقول فى ساعه
لاتقول لاوائح ولا قانون
وبس تعرف إن إنت عايش
فى دولة قلعه من غير هدوم
عدل أموره بالأنتخاب
حجزلو كرسي بقالوا باب
من النقابه لمجلس إداره
لرئيس قطاع
وعنده بورج وكام عماره
ورغم ذلك
ساكن فى شقه على المحاره
أه بالإيجار
وخدها وهبه من البرلمان
الباز أفندي هباش كبير
ضميره ميت من غير ضمير
رصيده عدى المليارات لكن بخيل
ورحته وحشه من الحرام
أهو عملهم وح يمشى وحده
ومش وخدهم
تعرف تقولى إيه إللى كسبه
شعر
على أبو السعود
خاص بالنصوص المميزة
D. Hodaaabdo 
أضف تعليق