حلو يا حلو رمضان جايلك وأحنا مشتاقين
×××××××××××××××××××××××××××
حكاية داخلة جوة في…….. رواية وأحنا مش فاهمين
أحنا مين ؟ الأصل ولا الفرع. …….. ولا فقرا منكسرين
مين ماسك زمام مين …..المسيطرين ولا المتسيطرين
مين مكوش ع الحال ومين…… فارط من شقى السنين
حلو ياحلو رمضان جايلك…… والجعانين بكرة صايمين
شوف من فينا المعلم …………….ومين فينا المتعلمين
أحنا الفقرا المقهورين……………. الصابرين والمتسوحين
مين فينا الفرض ومين …….فينا السنة ومين الطاهرين
أحنا اللى لفينا العالم شرق………… وغرب ومش عاجبين
مين فينا عرقان وشقيان وهما بينا فرحانين ومبسوطين
حلو ياحلو رمضان جايلك…….. والجعانين بكرة صايمين
مين فينا بيلبس هدمة نظيفة. …وهما لابسين ومتهنين
مين فينا بياكل وز………… وبط وهما وكلين وشبعانين
هما يسافروا بالصواريخ ……..وأحنا نسافر ومخنوقين
هما عيشتهم عيشة هنية ..وأحنا بنطحن ويا المطاحين
هما ناس وأحنا ناس………. ناس معدومين ومظلومين
حلو ياحلو رمضان جايلك…… والجعانين بكرة صايمين
حزر فزر أنت فاهم مين هما وأحنا اللى بقينا الضيعين
اللهم بلغنا رمضان وأحنا فية بصحة طيبين وصايمين
أديب وشاعر مهندس /محمد عوض
12/2/2023