$ ااالبعد يكفي $
بقلم/عماد الأبنودي
••••••••••••
جاي متاخر قال إيه جنابه
بيفكرني .. إني بأهمه
و إن حياته دايما ضايعه
و إني بأجري قال بدمه
اللي اتعود كده ع الوحدة
ما تهموش أبدأ مخاوفها
واللي اختار براحته الكدبة
زي القهوة يدوب ف راحتها
كنت اتمني نص الحب …!
لو فتافيت بس تكفي …
و مادام جرح بس القلب
قوله خلاص البعد يكفي
جاي متاخر رجوعك ليا
بعد ما أعلنت لقلبي حداد
‏دا اللي مات أصلا فيا
‏خلي القساوة في ازدياد
‏يااااه … علينا لما فينا
‏تموت حاجات مش بأيدينا
‏مش بتفرق أي حاجة
‏ممكن تعود تاااني لينا
‏بقلم
‏ عمااد الأبنودي
‏18 / 5/ 2023