ِالدين يااهل الدين دين النصيحه
والخير يااهل الخير من دون تشهير

اللي يريد ينصح بكلمه صريحه
بينك وبينه يستحق كل تقدير

والحاقد اللي لك يريد الفضيحه
ساع ذي يخيط جرح من دون تخدير

والمخترق رقم الحساب والشريحه
يحصل على تسجيل صوتي وتصوير

واصعب من الممكن يشل القريحه
ويمتلك باالمال فكر الاساطير

مهما استعان باالمنتحل والنطيحه
وكثف الحمله اشاعات وتزوير

على السؤال اشتي اجابه صحيحه
واثبات رسمي او ادله وتبرير

مقنع وذي عنده شجاعه وقيحه
يطلب من المجهول هويه وتقرير

يطلب شهود اعيان ودم الذبيحه
ماهو كما دم المحيض والبواسير

به نجم كوميدي وكابوس لتيحه
ذا يسعد الجمهور وذا ينفخ الكير

به طب شافي للقلوب الجريحه
بلا جهاز ليزر ومن دون مناظير

خذ باالمقابل كل خدمه مريحه
لا تكتسر لا تلتجي للعقاقير

برامج التحسين لصوره قبيحه
سلاح شخصي للصوص الهوامير

اكسب بقدراتك معادن ربيحه
واخسر في الشده رفاق الدنانير

واحذر من المتربصه والبطيحه
والصاحب الشاطر بنقل الخبابير

واحذر تناسب عايله مستريحه
مهما يكون لك صيت مثل المشاهير

ولا تغامر والسواعد كسيحه
او تنشل النصله على اهل السواطير

ولا تسابق باالنصوص الشحيحه
وتستهين بااهل الادب والمغاوير

ولا تعارض خط صالون صيحه
اركب بباص أجره وتكس المشاوير

ولا تشوه بااللغات الفصيحه
وتعصي القانون وكل الدساتير

ولا تقارن شومتك باالمليحه
وتخسر المكياج وحق الكوافير

ولا تشوت مكسور برجله صفيحه
والجبس في عظمه تبان المسامير

من فوق ضهرك بارج الدين زيحه
فاصي وسدد ماعليك من فواتير

خف الغرور والكبر بطل شطيحه
تحضى بحب الاصدقاء والجماهير

حين تفطر الصنفور تسلم وزيحه
ولا فسار الجسم كله صنافير

طولت باالابيات لاكن منيحه
بها من الحكمه بلاغه وتفسير

تعرف وتفهمها العقول الرجيحه
اهل المشاعر صادقين التعابير

✍🏻 ابو شامخ فضل الدروبي