ايّاك ف يوم
تتخلى عن حد احتاجلك
او يوم ترد مد الايدين
ازاي تلوم
مهموم وم الهم لجألك
ده كله يا بني سلف ودين
ايه اللزوم
تكسر بخاطره وتحرمه
اديله عطفك
امسح دموع كاويه الخدين
ممكن يكون
باب مغفره ليك فاتحه ربك
ازاي تقول هدخله بعدين
ممكن تكون
طاقة رضا ونعيم لقلبك
خيرات كتير ماشافتها العين
ربك شكور
وف شدتك هتحسه جمبك
لو الايدين كانوا ليه مادين
رحمات ونور
وف اخرتك يغفر ذنوبك
يعفو عنك
دي جنته عرضها عرضين
اعطف وحن على المسكين
( فأما اليتيم فلا تقهر واما السائل فلا تنهر )
عرضها عرضين : المقصود السموات والأرض
بقلمي/ خالد جمال ١١/٧/٣٠٢٣
خاص بالنصوص المميزة
D. Hodaaabdo 
أضف تعليق