محظوظ
محظوظ انا
بغرام حبيبي
اصل الهوى
والعشق يابني حظوظ
محظوظه روحي
محظوظه عيني
علشان ده واد لذُّوذ
اول ما شفته قلت إنه ليّا
والقلب ليه محجوز
وسألت عقلي قال هيه ديه
ده يا ريت بحبه نفوز
ده جمال عنيها
حاجه مش عاديه
م الهم بيها تلوذ
والدم خفه حاجه ربانية
شربات عنب على لوز
اما الشفايف طعمها
طعم القطايف
تسحر بلونها الروز
ف ايديه صوابع
هتشبعك
لو كنت جايع
دي عشان صوابع موز
بتشيل ف همك
ويروق معاها بسرعه دمك
لو كنت ضارب بوز
الصوت كمان كروان يغني
صوت فيه حنان
وواخدني مني
صوت غطى على فيروز
إن هل طيفه تحصل عجايب
دايما معاه النسمه جايب
بتلاقي حر الدنيا غايب
لو كان كمان تموز
محظوظ بقرب حبيبي مني
محظوظ معاه من صغر سني
ولحد مابقى عجوز
محظوظ
بقلمي/ خالد جمال ١٩/٧/٢٠٢٣
خاص بالنصوص المميزة
D. Hodaaabdo 
أضف تعليق