بدّي إكتب لوطني..
وإتغنّى فيه شويّة..
جنّة الله على الأرض..
هالأرض العربيّة..
أم الدنيا يامصرا..
عصرتيلي قلبي عصرا..
ملكة بوسط قصرا..
أسيوط وإسكندريّة..
حبّي تونس ياخضرا..
مهيوبة تهز بخصرا..
الزيتونة وقت عصرا..
شرقيّةمع غربيّة..
تسلم أرضك يا الكويت..
مخيورة وزائعة الصيت..
بطلب من الله وياريت..
إشرب من نبعك ميّة..
والله مطلوبي العراق..
عاشق وإلها مشتاق..
بغداد ياأرض العشاق..
العيشة فيها هنيّة..
الأردن هي أرض الطيب..
الله متلا ما بيجيب..
حبيب يلاقي حبيب..
ونهرا ميّة صافيّة..
الله محيّي الإمارات..
كل إمارة فيها شاة..
وربّي يمحيلي الزلّات..
بزيارتها ياخيّي..
المغرب والله مشكورة..
بسمكاتا المشهورة..
ما في بكل المعمورة..
أحلا منها يابنيّي..
اليمن وأرضك صنعاء..
مرسلة من السماء..
منعيش فيها برخاء..
الخضرة وميّة مع فيّة..
أرزة لبنان الخضرا..
بدّي إسقيها قطرة..
من عيوني تهمر همرة..
على جبالا العاليّة..
بدّي إحكي عالسودان..
عالخرطوم وأم درمان..
إنسانا أطيب إنسان..
شوعشرتو هنيّة..
وبحكي عن بيت المقدس..
إركع إسجد وقدّس..
والمسجد فيها قدّس..
وترابا هالقدسيّة..
أرض النبي والكعبة..
حواليها دور ولبّي..
ربّي ربّي ياربّي..
تحفظك يا سعوديّة..
شو بحكيلك عالبحرين..
أرض الحب وأرض الدين..
بسطر واحد مو سطرين..
زورا صبح وعشيّة..
قلب العروبة النابض..
والله عليها ما بفاوض..
والسيف الأموي القابض..
هاي سورية الأبيّة..
يابلادي العربيّة..
بلاد الخضرة والميّة..
المحبّة الإسلاميّة..
هاي أرض جدادي وبيّي..
(أبوأحمد إبراهيم معيكي)