في الرقه وف الدلال
والله عدّى وفرق
ف الحسن مالوش مثال
لو فات بيعمل قلق
مانا شفته راح قلبي مال
والعقل مني اتسرق
والله صدق اللي قال
ده غزال بقُصّه وحلق
ربك خلق الجمال
ده ف يوم ما هوّه اتخلق
خد نصه ويا الدلال
ف السحر عدى وسبق
انساه ده شى محال
واحلف وأقول ع الملأ
عشقه ده فاق الآمال
قلبه ده ليا اتخلق
دانا قبله كان حالي حال
همسات جراح ع الورق
مركب وشراعها مال
وخلاص طواها الغرق
من عيني الدمع سال
والويل لروحي امتلك
تايه وبسأل سؤال
ليه يا دنيا حلمي اتخنق
هليت راح همي زال
والحزن داب واتحرق
ده صالحني بيه الزمان
شفت ف هواه البدع
يا جميل وفاق الخيال
يا طبيب وداوى الوجع
بقلمي/ خالد جمال ٧/٨/٢٠٢٣
خاص بالنصوص المميزة
D. Hodaaabdo 
أضف تعليق