بيقولوا…
إنت الكبير…
والكبير مايقولش اه
ليه…
ماهو برضو زيكم
من لحم ودم
وعنده احساس زيكم
وبيحس يالألم زيكم
طب ماهو شايلكم سنين
والحمل زاد
والشعرشاب
والعمر قرب ينتهى
هو الكبير ف الفرح منسى
وف الهم هو اللى شايل
طب لو الكبير إشتكى
من كتر حمله وبكى
مين يمسح دمعته
مين يواسى وحدته
ولا خلاص يتنسى
وبقى زى قلته
مين يبل ريقه بكلمه حلوه
من بعد مافضيته قلته
تصعب عليه نفسه
وتنزل دمعته
ياخدهاويملى بيها قلته
ومنين يجيب ناس
يمسحوا دمعته
دمعة الكبير غاليه
وبكره تندموا على فرقته
ويفيد بأيه الكلام
ماهو بقى زى قلته
ولما تفتكروه
اشربوا حبة دموع من قلته
وإقرأوا الفاتحه
على تربته
نبيل المصرى
خاص بالنصوص المميزة
D. Hodaaabdo 
أضف تعليق