الوَضع مِسترِّيح
و القلب مُطمَئِن
طب ليه عَمَّال تِسَيَّح
طب ليه عمَّال تِزن
عايز تِحب تاني
يا عَم رُوح بقى
مِتشعلَق ف الأماني
ما كفاية عليك شَقا
قلبك طِلِع معاش
و العُمر راح مجاش
هو الحب ببلاش
ده الصِحة ملقلقة
قوم شوف لَك عُكازين
تِسنِد بيهم قَوَامَك
مِن أوَّل دقتين
قلبك بيزوغ قوامك
و يزَّوِد دقتين
والحق صغطَك بقى
خَليك ياقلبي عاقل
بِتوّزِن المسائل
لا ميزان الحُب عادِل
ولا عُمري بَعزَقة .
حسام بخيت
خاص بالنصوص المميزة
D. Hodaaabdo 
أضف تعليق