الحق والباطل
×××××××××
كل واحد فينا عارف …….فين طريقه وعارف حياته
والنمل بيحفر عششه…………. وبيجمع بصعوبه غذاءه
واللى شايل قربه مخرومة…………. بتنقط فوق دماغه
والغلطان ح يتحاسب على…. غلطه مهما كان حسابه
واللى حساس انه عاوز يرحل الابواب مفتوحه امامه
كل واحد فينا عارف ……..فين طريقه وعارف حياته
الأدب فضلوه على العلم ……والأخلاق نابعة من ذاته
اللوكلوك الكتير ملوش .وجود في زمنا ولا أحتياجاته
وما يكلش معانا جعورة……………….. وحنجرة خناقاته
ولا بياكل معانا الصوت العالى…. ولا يهمنا شقلباظاته
كل واحد فينا عارف …….فين طريقه وعارف حياته
اللى عاوز يبقى عدل ح يمشى على الحبل وبهلواناته
واللى عاوز يتعوج ملوش.. غير الدق على رأس جنابه
زى الحديد لما يطلع من النار……. ويتشكل بأيد حداده
الحق حق ولا يعلاش …………علية ولا ح نزيف آياته
كل واحد فينا عارف………. فين طريقه وعارف حياته
أهل الباطل دول بيلفوا .ويدوروا كتور مغميين عيناته
وما بيوصلوش لحاجة …..كذباب غتيت ملوش عازه
الكذب عندهم مشروع……. وممكن يبعوك برقبة إزازة
ويركبوا على الموجة …….بالغش كل يوم وكل ساعة
كل واحد فينا عارف……… فين طريقه وعارف حياته
أديب وشاعر مهندس /محمد عوض
25/9/2023