يا معدي
يا معدي وسايب قلبي ف نار
يا مودي الروح لعذاب ومرار
يا تهدي يا اما تشوفلي قرار
دانا دايب يابني ف شوق وحنين
يهديك ربي ما تحن يا واد
يرضيك قلبي فيه نار تنقاد
بعديك عيني بتشوفها سواد
من غيرك قلبي عايشها انين
ياللي الاحزان نسيتني معاك
حلي الايام من شهد هواك
خلي الاحلام واقع وياك
دانا قبلك عشت حياتي حزين
شايف ف عنيك همس وانغام
عارف قلبك مليان بغرام
خايف لا العمر يعدي اوام
لو راح العمر هاجيبه منين
هفضل مستني شهور وسنين
مستني تحنّي على المسكين
وتغني الروح لرموش العين
ويميل الورد على الياسمين
اول ما اندهلك وتردي
يا معدي
بقلمي/ خالد جمال ٣٠/٩/٢٠٢٣
خاص بالنصوص المميزة
D. Hodaaabdo 
أضف تعليق