بقلمي امل محمد ابوخطوه
حبيبتي يازاوية رزين
يا بلد الطيبين
بيتنا القديم طوبه ني بناه ابوايا دورين
احساس بانك حي فى زمان الطيبين
وكنون بيطهي الاكل والمحشي بالدخان
والسكر بالقرطاس والشاي من الدكان
وانا فاكره ايام زمان
الناس الطيبين
وقماش على التموين
ومخازن ابويا فيها الزيت للفرد م البراميل
وشوال السكر خيش
فرط مش متعبي ف كياس
وقلوب الناس زمان
طيبه وقلوب صافين
وشجر التوت للكل
تحت التوته قاعدين
ونخل البلح العالي
يتفرق ذي التين
وعيال قاعده بتلعب
تحت البلحه والتين
اخوات بضماير صافيه
من بكره مش خايفين
طالما بينا محبه ومرؤة بني ادمين
هنام الليل بسكينه
ونقوم بقلوبنا الصافيه للناس ومحبين
حملين نقاء ريفنا عمرنا منكون خاينين
وكنون الست جارتنا امي بتطلسه بالطين
وبناكل ويا اولاد حتتنه غدوه فلليل رمضان
ونقوم للعيد بلعبنا نعيد على الجيران
وصلاة العيد تجمعنا ومحدش فينا جعان
لاننا اتربينا وسط ألناس الجدعان
وابويا كان بيقولي
نادي عمك فلان
وفلان كان جارنا تمالي
يجي من الغيط شقيان
وقلبه ديما تعبان
وابويا كان جنبه وامي لمرأته تعين
والبحر كان صافي نشرب من الزير
ونغسل المواعين
دا زمان كان فيه الناس الطيبين
وقلوب صافيه وطاهرين
ومحبة مخلصين
بالفطره للدين فاهمين
كانوا ديما راضين
وفيوم الازمه كله بيكون جنب المنكوبين
ولو اشتعلت حريقه
نخرج كلنا جارين
بكل اواني بيوتنا نجري واحنا شايلين
ونطفي حريقة جارنا
ونام بقلوب مطمئنه ديما بنصينا راضين
قلوب صافيه بنقاء الخيرين
راضين رب العالمين
دي بلدي حبيبتي الغاليه
و ايام الخير والرحمه
فيكي يازاوية رزين
بقلمي امل محمد ابوخطوه