عرِفت قيمتها
كانت ويايا ماعرفتش
ساعتها قيمتها
كانت صايناني ماقدرتش
اصون عشرتها
كانت ماسحه لعيني دموعها
وكان عيدي اشوف دمعتها
كنت آيده لحياتي شموعها
وانا بايدي طفيت شمعتها
كانت ماحية لروحي وجعها
وانا اللي جراحي وجعتها
كانت تسمع لشكوايا
تشيل عني بكلامها الهم
وانا اللي وداني نكرتها
ما يوم سمعتها
كانت اشواقها ف عنيها
وبتداري ف لوعتها
وروحي عليها كت آسيه
ما حنت يوم وطاوعتها
كانت حباني عاشقاني
وكل حياتها ليا اديتها
وكان حبي يدوب ليله
عشان كت حره رفضتها
عايش دلوقتي بتندم
واقول ده يا ريتني ويا ريتها
عايش مجروح وبتألم
دي كت نعمه وانا رميتها
عرفت قيمتها
بقلمي/ خالد جمال ١/١٠/٢٠٢٣
خاص بالنصوص المميزة
D. Hodaaabdo 
أضف تعليق