عفاف مسلم
الأخوة والأخوات..
السيدات والسادة…
الشباب والشيوخ….
الشباب والشابات …
السلام عليكم ورحمة الله..
وأهلا بحضراتكم فى ..
دعوه للحب ..ايوه النهاردة ح ندعوا الناس كلها للحب ..
الدنيا كلها مشاكل ..والمشاكل بسبب وبغير سبب ..الناس في خنقه…حتي مافيش حد طايق حد ..واصبح البعض يقول نفسي نفسي..وكأننا في يوم القيامه ..
الاخ بيخاصم اخوه ..وبالسنين..وعلى ايه ؟ أتفه الأسباب
الجار راقد لجاره ..اول غلطه الدنيا تقوم ومش تقعد ..
لو جيت توزع الميراث على أهله..كل واحد عاوز ياخد اكتر من التانى
الزملاء في العمل تجد المكايد والضرب من تحت الحزام عشان فلان قريب من المدير او المدير بيحبه..واشمعنى هو ..وليه مش انا ؟
المشاكل كتيره ومش كتيره وبس لا ..بتزيد كل يوم بعد يوم.
كمان الزوج مش طايق زوجته والزوجه شايفه زوجها عدو لها..والاطفال بيضربوا في بعض على الصغيره والكبيرة.
المشاكل دى كلها بتحصل عشان مافيش حب بين الناس وبعضها ..
الحب ياساده يصنع المعجزات ..والله ماهو كلام دى حقيقه ..
لو حبيت اخوك صح وحبيت له الخير زيه زيك ..وحبيت جارك بجد وتحب له الخير ..وتحب زميلك في العمل وتخاف عليه كأنه انت …وتعامل زوجتك بحب واحترام ..والزوجه تحب زوجها وتسمع كلامه …الدنيا ح تكون جميله والناس عايشه بحب واللى يعيش بحب ..يعيش في امان ..واللى يعيش بحب وامان بيكون هو الكسبان.
ياساده مافيش حد مات واخد معاه عماره او سياره او رصيد في البنك او وظيفه مرموقه..وانما إللى بيموت بياخد معاه حب الناس ودعواتهم له ويترك لهم ذكرى طيبه تعود عليه واولاده.
دعوه للحب..كلنا نحب بعض ونخاف على بعض نحافظ علي بعض ..وننظف قلوبنا ….ولو حصل ..مش ح تلاقي مشاكل والله وجرب كده وقول لى .
والسلام عليكم ورحمة ا