يااااارب اِفتح لينا الهويس
××××××××××××××××
عتريس …!!! دراعك لَوِتُه….. فؤادة وفتحت مَيٌَة الهويس
وبلدنا فيها رجالة بٍيدرٌِسوا ……..البطولات بأفضل تدريس
والعصفوري خانك وقفل……………… عليك الباب بالترابيس
ورُشدي ُتجنن لما أنعام خانته ..مع البلد ومعاك يا عتريس
والشيخ بِراهيم قال…….. الجوازة باطلة لما اُتْقتلٌُه العريس
والإتاوة مفروضة ع الغلبان… اللي ملوش إلا في التخريس
والبصل سعره وصل بالعالي………….. و ح يحصله السٌِريس
ونِسوانا بألف راجل ………….ساعة الجد يهرسوك تهريس
والظالم له يوم يتفرم………….. وينداس بمركوب المداويس
والفجر حيطلع علينا من تاني….. والقمح مدروس بالدريس
وحنبطل نشتريه بالدولار اللي ..عايز يخلي الجنيه فطيس
وهِنداوي وبسيوني ضلٌِلوا البلد وجوزوا الرخيص بالنفيس
وعبد التواب كتب الكتاب ……من غير ما يمحص تمحيص
والمية اُنقطعت من القناية والزرع جف وسرقوا التراويس
والتنبور ما بِيْدُرْشْ والأرض…. شرقانة وخلصانة خلاويص
وأبو قردان اُنقرض………………….. لأنه طير عزيز و حسيس
والدهاشنة قتلوا سيد شلبي…….. و حيدفعوا الثمن النفيس
وحِس نااااشف قووووي………… ألف من له طار يا عتريس
والنزاهة كلام طارح ع الشجر ….وبجذوره نخر وتسويس
يا بو الجدايل يا قصب عندنا………… عرس من غير عريس
والعيشة بقت مُرة والكل…………. بيحسس عليها تحسيس
والتعليم والصحة فَوٌِتوا ……وبقينا نلف عليهم بالقلاويظ
والناس مخنوقة وزهقانة …..ومش قادرة تتنفس تنفيس
رحمتك ياااارب واِحمينا ……من الظلمة وهبل المهاويس
أديب وشاعر مهندس/ محمد عوض
5/10/2023