الشِللية
×××××××
لية صحيح لازم………………….. نكون وسط الشِللية؟
نطبل ونزمر ……………….ونهلل بحرفنة وبحرفية
نمسح الكوخ ………………..ونترجى في كل هفية
واللى مايستهلش ……………نرفعه فوق ع الصنية
ونقدمه بالغش ………….للمجتمع اللى بقى ضحية
وندلس ونقول هو …….. الكل في الكل و مية مية
وسعات هو مابيعرفش الألف من كوز الذرة الشامية
والشهرة وَخداه………………… وصيِته عالى بالمهلبية
وفي ناس حظها مِتقلى ……ومحطوط في التقلية
مستوية على نار الكوسة ………وشغل المحسوبية
للأسف أصلها مش من…… المحاسيب ولا المطبلتية
ولا بتحب الأستغلال …ولا بتعرف في المصلحجية
ولا بتلف ولا بدور علشان……….. تَوصَل بالحرمانية
ولابتسرق تعب الشقيان………. من الفنون الإبداعية
وماشية جنب الحيطة………… متظللة بظل المظلية
وبتاكل شوية فول ………ومعاهم طرشى وطعمية
طول عمرهم دوغري ..وملهمش مكان وية الشلالية
الشِللية وقر للفساد في…….. كل منطقة أستراتيجية
وكتير ح تلاقيهم بتجمعات الشعبية والارستقراطية
يارب أحفظنا منهم…………….. ومن اعمالهم النميمية
وينصلح حال المجتمعات……. ونبطل شغل الهرتلية
أديب وشاعر مهندس /محمد عوض
12/10/2023