مهما بعدوا قريبين
ساعات الدنيا بتاخدنا وتشغلنا عن الغالين
لكنه غصب عنا وفي قلوبنا يسكن الحنين
بيفتكروا اننا نسينا لكن طول عمرنا فاكرين
اعز واغلي ناس لينا في الروح والقلب ساكنين
ومهما الدنيا تبعدنا تملي معانا ذكراهم
ولا ننسي في يوم اجمل ذكريات عشناها معاهم
بتشغلنا الحياه عنهم وعنا برده شغلاهم
ولو بالعين مش شايفنهم الروح دايما شيفاهم
بنتمني تجمعنا قاعده صفا وندوب فيها الحنين
وسهرة حلوة فيها بهجه والقمر ساطع والنجوم منورين
الحبايب في القلب دايما وحاضرين ولو حتي مش موجودين
دايما معانا في كل لحظه اصلهم في الروح عايشين
بتاخدنا الدنيا وتشغلنا لكن ولا مرة نسينا
احلي واجمل الايام وناس نوروا ليالينا
ولا يوم ننساهم ولو حتي نسينا اسامينا
هيفضلوا في القلب مهما الدنيا تجيبنا وتودينا
زكيه فيصل
خاص بالنصوص المميزة
D. Hodaaabdo 
أضف تعليق